Trading Post

فيه ناس كتير ال Trading Post  بالنسبة لهم هو مكان بيشترى منه الحاجات اللى محتاجها و بيبيع فيه الحاجات اللى مش محتاجها فقط لا غير ..

بس اللى بيفكر كدة احب اقوله انت بتخسر كتير جدا جداااا ...

لان ال Trading Post مكان ممكن تكسب منه On The Fly او على الطاير ...

و دة بسبب ان ال Trading Post مش مخصص للسيرفر بتاعك بس ... و لكن مخصص لكل سيرفرات GW 2 ...يعنى كل سيرفرات اللعبة مشتركة فى Trade Post واحد ...

و ده بيخلى عملية الشراء و البيع سريعةةةةة جدا ..... يعنى ممكن تحط حاجة و تلاقيها اتباعت فى ثانية واحدة ....

و لو عايز تتاكد افتح ال Trading Post و اختار اى Item من ال Top Demanded Items و شوف اسعارها ... و اعمل Refresh هتلاقى الاسعار عمالة تنزل و تطلع فى الثانية الواحدة ولا كأنها بورصة ...

و هو دة بقى دورك عشان تستفاد من ال Trading Post لاقصى مدى و تحقق منه فلوس ...

انا اوقات بقضى ساعات بتابع فيها ال Trading Post و بس ...مش بعمل حاجة فى اللعبة غير انى اتابع ال Trading Post و عملت منه فلوس من الهوا ...

و عشان تجيب فلوس من ال Trading Post لازم تحط فى دماغك قاعدتين مهمين :

1- القاعدة الذهبية Buy Low Sell high ... او اشتري رخيص و بيع غالى ... القاعدة دى لو قدرت تفهمها و تبقى محترف فيها ممكن تكسب فى اليوم الواحد مش اقل من 1 جولد .... القاعدة دى بتحتاج منك انك تتابع اسعار الحاجات المختلفة و تقتنص الفرصة لما تلاقى اى حاجة بتتباع بسعر اقل من سعرها الطبيعى .. و تشتريها و تبيعها تانى بسعرها الطبيعى ...لو انت جديد فى الموضوع دة و عشان متتلسعش ...انصحك انك فى الاول تركز على حاجتين او تلاتة بالكتير تتابعهم (( سلاح معين ... او Material معينة )) و تتابعهم دايما بحيث انك تعرف اسعارهم .... و تبدأ تتاجر فى الحاجتين تلاتة دول و بس ....

2- القاعدة التانية و هى ال Custom Offer ... فيه ناس كتير متعرفش حاجة عن ال Custom Offer و بيضيعوا على نفسهم كتيرررررررررر جدا ..فاغلب الناس لما بتحب تشترى حاجة بتروح تشتريها علطول باقل سعر معروض ...لكن هو ميعرفش انه ممكن يشتريها بسعر اقل بكتير من السعر المعروض كمان عن طريق ال Custom Offer ..فال Custom Offer باختصار عبارة انك بتعرض السعر اللى انت عايز تشترى بيه الحاجة دى و بتعرض انك هتشتريها فى الحال بالسعر دة ..يعنى مثلا ... واحد عارض درع و حاطط تمنه 50 Silver ... تقوم انت تحط Custom Offer انك مستعد تشتريه حالا بس هتدفع 40 Silver ... لما حد يجى يبيع الدرع دة .... هيلاقى العرض بتاعك قدامه ... و لو وافق هيوصلك الدرع و هو هياخد الفلوس فى وقتها ...موضوع ال Custom Offer مش بس بيوفر عليك فلوس كتير ....لكن كمان بيكون طريقة تحقق بيها صفقات كبيرة و مكاسب اكبر .... فيه ناس بترمى فلوسها فى ال Trading Post لمدة ايام فى ال Custom Offer و بتصبر عليها لحد ما يجى حد و ياخد ال Custom Offer اللى هى حطاه ...

دول كانوا شوية نصائح بسيطة عن ال Trading Post اتمنى انها تفيدكم فى تكوين ثروة معقولة .... بس اتمنى انك متبقوش مدمنيين تجارة على ال Trading Post زيي ... لانى بقيت بقضى وقت فى ال Trading Post اكتر ما بقضيه فى اللعبة :D 

تحياتى 

~Tamer