Specializations in The New Expansion

by HiTmAn47

السلام عليكم

اليوم اعلنت Guild Wars عن النظام الجديد اللى هيكون عليه ال Traits فى HoT

و دى بعض النقاط المهمة اللى ذكرت فى المقالين :

1- هيتم فصل ال Traits عن ال Stats بمعنى ...انك مش هتكون مجبر انك تاخد traits معينة عشان تزود ال Power مثلا ....اختيارك لل Traits هيكون منفصل تماما عن اختيارك لتوزيع ال Stats

2- عدد ال Major Traits اللى هتقدر تحصل عليها هيكون 9 بدلا من 7 كما هو موجود حاليا ..منهم تلاتة grand master

3- ال Skills المتاحة ليك هتعتمد على ال Traits اللى هتختارها ... يعنى فيها skills هتكون متاحة ليك ... و skills تانية هتكون locked على حسب ال traits اللى اختارتها

4- كل شخصية هيكون ليها خمسة Specialization زى ما هو موجود حاليا بس الاختلاف انك هتختار منهم تلاتة يكونوا ال Core Specialization ...يعنى مثلا ال Ele ممكن يختار يتخصص فى ال Fire و ال Air و ال Water

5- كل لفل معين هيسمحلك انك تتخصص فى تخصص جديد من التلاتة ... و بمجرد ما تختار تخصص تلقائيا بيتفتحلك تلاتة Minor Traits و دول بيكونوا ثابتين و بتاخدهم كلهم اول ما بتختار التخصص

6- بالاضافة للتلاتة Minor الاجباريين .... هيكون قدامك تسعة Major Traits هتختار تلاتة منهم ... التسعة دول متقسمين ل Adept و Master و Grand master ... لازم تختار واحدة من كل نوع

7- ال Stats الاساسية لاى شخصية هتكون 1000 بدلا من 926

8- كل اللبس اللى فى اللعبة هيديك Stats اكتر بكتير من اللى موجود حاليا و دة عشان يعوض فصل ال Stats عن ال Traits

9- اختيارك ل Specialization معين هيديك قدرة خاصة لل Class بتاعك ...على سبيل المثال ..لو Ele اختار تخصص ال Arcane ... ال recharge time بتاع ال attunments هيكون 8.7 ثانية بدلا من 10 ثوانى

10- حاليا فيه Skills و Traits متقدرش تفتحها فى ال PvP الا لو قتلت Boss معين فى ال PvE او اشتريتها بجولد .... الموضوع دة هيتلغى و هتبقى كل ال Traits و ال Skills متاحة فى ال PvP

اللى فوق دة كان ملخص اللى اتقال فى الجزء الاول

نيجى بقى للجزء التانى اللي kiki emoticon

1- فيه نظام جديد فى اللعبة هيبقى اسمها Profession Reward Track ... الصورة فى اول كومينت

2- النظام دة متقسم لتلاتة حاجات ... core specializations و core skills و elite specializations ... يعنى لو خدنا المثال اللى فى الصورة .. ال core specializations هيكونوا اول خمسة و ال core skills هيكونوا الاربعة اللى بعدهم و ال Elite هيكونوا اخر اتنين

3- طريقك تلفيلك لاى Track من دول هيكونوا عن طريق حاجة اسمها Hero Point ... و ال Hero Point دى هتحل محل ال Skill points اللى موجودة حاليا ...بمعنى هتحصل عليها بال leveling او ال Skill challenges اللى هيتغير اسمها و يبقى Hero Challenges

4- قبل ما تفكر ... الناس القديمة اللى معاها Skill Points لو حصلوا على Skill Points و استخدموها فى شراء Skills ...هيتم حساب عدد ال Skill points اللى معاهم او استخدموها و هيدوهم بدالها Mystic forge crafting materials

5- اول نوعين اللى هما ال Core دول فايدتهم انك هتشتري بيهم Skills زى نفس النظام الموجود حاليا

6- النوع التالت بقى اللى هو ال Elite هو اللى يعتبر جديد ... كل كلاس هيبقى ليهم اتنين Elite specialization يختار منهم ... و كل واحد منهم بيفتحله سلاح جديد و بالتالى اسكيلات جديدة و طريقة لعب مختلفة ...يعنى مثلا ال Ranger هيقدر يبقى Druid و يمسك Staff

7- مش بس هيتفتحله سلاح جديد ...لا كمان كل Elite Specialization هيكون ليه Unique healing skill و اربعة utility skill و elite skill ...متاحين فقط لل specialization اللى اختاره

8- لما بتختار Elite Specialization هتضحى بواحدة من التلاتة Core Specialization و هيكون ليها التسعة Traits الخاصة بيها

9- مينفعش غير انك تختار Elite Specialization واحدة بس ... و ممكن تلعب من غيرها و تختار تلاتة Core و هتكون بنفس القوة بتاعة اللى اختار Elite ...اللى هيختلف بس اسلوب اللعب

10- ال Reward Track مش بس هيفتحلك Skills و Traits لل Track اللى اخترته ...بس كمان هيديك Unique Armor skins و weapons skins لل Track اللى اخترته